Haller News

ვინ აკონტროლებს ადამიანის ბედს ამ სამყაროში, ტრანცენდეტური არსება თუ კანონი? პასუხი არ არსებობს, თუმცა ერთი რამ ცხადია, ადამიანს საკუთარი ნების კონტროლიც კი არ შეუძლია.  სიხარულის, ბედნიერების, სევდის ტკივილისა და ხანდახან მძიმე უბედურების სამყოფელში სიყვარული ერთადერთია, რომელსაც შეგიძლია დაეყრდნო, მიიღო, შეიგრძნო და მიხვდე, რომ არსებობა, რომელიც დასაწყისშივე გარდაუვალი დასარულისთვისაა განწირული, ცხოვრებად მხოლოდ ამ შეგრძნების გამო შეიძლება ღირდეს. თუმცა რას გვაძლევს სიყვარული, თუ მან საკუთარ განსაზღვრებაში ერთდროულად სიკეთე და სამართლიანობა არ მოიცვა?  ამ კითხვაზე ყველა კარგ პასუხს ინარიტუს ერთ-ერთი ყველაზე მნიშვნელოვანი ნამუშევარი “amores perros” გაგვცემს. რეჟისორი მარტივი და თანმიმდევრული თხრობით გვახვედრებს, სადამდე შეუძლია მიგვიყვანოს ყველაზე ლამაზმა გრძნობამაც კი, თუ კი მას არასწორ ნიადაგს მოუძებნი გასაღვივებლად.. ალეხანდო და სუსანა  ფილმის პირველ ნაწილში რომლის სახელია “ალეხანდრო და სუსანა” ვეცნობით მექსიკის დაბალი ფენის ყოფა - ცხოვრებას. ვხედავთ სა...

სად ცხოვრობენ ჩვენი განვლილი, ბედნიერი დღეები? აქვთ თუ არა მარადიული მისამართი მოგონებებს, აგრძელებენ ცხოვრებას თვალითუხილავ მარადისობაში? შეიძლება ტკივილი სამუდამოდ გაქრეს? თუ ოდესმე დავბრუნდებით წარსულში და ხელუხლებლად დაგვხვდება ყველაფერი, გავაკეთებთ სწორ არჩევანს?  ადამიანების არსებობა გრძნობისა და შეგრძნებების მოგონებას ემყარება. ერთი წინადადებით ასე შეგვიძლია ვთქვათ, თუ რაზეა კენეტ ლონენგრანის ფილმი “მანჩესტერი ზღვასთან” რომელიც მთავარი პერსონაჟის, ლის მოგონებებით იწყება და მალევე ამ ადამიანის რუტინულ და მომაბეზრებელ ცხოვრებას გვაჩვენებს, სწორედ დასაწყისშივე, პირველი კადრებიდან იკვეთება ლის ხისტი ხასიათი და ინდეფერენტული დამოკიდებულება სამყაროს მიმართ, რაც რა თქმა უნდა დაკვირვებული მაყურებლის თვალში ბადებს ეჭვებს, პერსონაჟის შესაძლო მძიმე და დრამატული ცხოვრების შესახებ.   და აი ამ წარსულთან აბრუნებს ლის ძმის გარდაცვალება, სადაც ადგილზე ჩასულს ხვდება ძმის ანდერძი და ის ვალდებულებები რომელსაც ძმიშვილზე მეურვეობა აკისრებს, სწორედ აქ იხსნება ლის მძიმე ხასიათის მი...

ეს პოსტი შესაძლოა დაწყებულიყო მრავალმხრივი მიმოხილვით და მრავალთა დადანაშაულებით, ან სისტემის ლანღვით და გინებით, მაგრამ ასე არ მოხდება. ეს პოსტი იქნება უფრო ემოციური, ვიდრე სხვა, რაც კი დამიწერია. ვეცდები დავიწყო უფრო შორიდან და გავცე პასუხი ყველა ფსევდოპატრიოტს, მათ, ვისაც ვითომდა გული შესტკივა ქვეყანაზე. ამჯერად ვეცდები ყოველგვარი მეცნიერული ახსნებისგან გვერდის ავლით, მოვახერხო და ვუპასხუო კითხვას, თუ რატომ წავედი "ნარკომანების აქიაზე, ბარიგების დასაცავად".  ასე რომ, ძვირფასო დეიდებო და ბიძიებო, ნათესავებო და ახლობლებო, ვადაგასული, არაჯანსაღი აზროვნების მსხვეპრლებო და "პატიოსნების" უბადლო დამველებო, მოიმარჯვეთ სათვალეები, მოიმარაგეთ მთელი თქვენი ინტელექტუალური რესურსი (რომელიც, დიდი ეჭვი მაქვს არ გაგაჩნიათ) და იხილეთ სიმართლე თქვენს შესახებ. დასაწყისისთვის მინდა აღვნიშნო, რომ კლუბში არასდროს ვყოფილვარ, არც ნარკოტიკების მომხმარებელი ვყოფილვარ ოდესმე.  ჩემი ისტორია ჩეულებრივი გოგოს ისტორიაა, ჩვენი თაობის რიგითი წარმომადგენლის,  რომელიც მთელი ცხოვრება დამოუკიდ...

" ქალი არსებულის მსახურია და არა წარმოდგენილისა " ოთარ ჭილაძე "ყოველმან ჩემმან მპოვნელმან" დღეს 8 მარტია, ქალთა დღე. ამ დღეს როგორც წესი ბევრი ყვავილი იყიდება, ქალები ერთმანეთს ულოცავენ, მამაკაცები საჩუქებზე ზრუნავენ. ზოგიერთი ამტკიცებს, რომ ეს ყველაფერი სოციალისტურია და ამიტომ არ ღირს დიდი აჟიოტაჟი, სხვები კი უბრალოდ საჩუქრებს  ელიან. ამ ყველაფრის პარალელურად რამდენიმე საათის წინ უფლებადამცველმა ბაია პატარაიამ გამოაქვეყნა "სგანგაშო" წერილი , სადაც ტაქსის მძღოლებს ეგზიბიციონიზმში სდებს ბრალს და ამაზე სახელმწიფოსგან სასწრაფო რეაგირებას მოითხოვს. (ისე, ჩვენს ქვეყანაში სექსუალური შევიწროვება მართლა არ ისჯება). ქალურ ამბებზე და სექსუალურ შევიწროვებაზე კი შეუძლებელია არ გაგახსენდეს პოლ ვერჰოვენის ახლახანს (2016წელს) გადაღებული შესანიშნავი ფილმი " ის ქალი ". ვფიქრობ, ვერჰოვენიმ ამ ფილმით ისტორიაში ერთ-ერთი ყველაზე ძლიერი ქალის სახე შექმნა და ალბათ ეს სახე დიდხანს შეძლებს გენდერული თანასწორობის საკითხებით დაინტერესებული ადამიანების სახელმძღვა...

საქართველოში, ისევე როგორც ბევრ სხვა ქვეყანაში განქორწინების რაოდენობა მნიშვნელოვნად იზრდება. 1960 წლიდან  განვითარებულ ქვეყნებში განქორწინების რაოდენობამ საგრძნობლად მოიმატა . ამერიკის შეერთებულ შტატებში განქორწინების ყველაზე მაღალი კოეფიციენტია მსოფლიოში . არსებობს საქართველოს სტატისტიკის ეროვნული მონაცემები , თუმცა სტატისტიკური მონაცემები ზუსტ სურათს ვერ იძლევა , რადგან საქართველოში ხშირია მხოლოდ საეკლესიო წესით , სამოქალაქო რეგიტრაციის გარეშე ქორწინებაც . ამ   თვალსაზრისით შედარებით მეტად სანდოა სოციოლოგიური კვლევები , თუმცა საქართველოში ამგვარი კვლევები მცირე რაოდენობით და მცირე მასშტაბებით არის განხორციელებული . რადგან განქორწინება სულ უფრო ფართოდ გავრცელებული მოვლენა ხდება, განსაკუთრებულ მნიშვნელობას იძენს შეკითხვა, თუ რა გავლენას ახდენს ეს უკანასკნელი მოზარდზე.  მრავალი მკვლევარი, ფსიქოლოგი და ფსიქიატრი გამოთქვამს აზრს ამ საკითხთან დაკავშირებით. შეკითხვაზე თუ რა გავლენა აქვს განქორწინებას მოზარდზე პასუხი რა თქმ...

"If you want the rainbow, you must have the rain." მოყოლა ალბათ იქიდან უნდა დავიწყო, რომ რამდენიმე ხნის წინ როგორც იქნა ბოდბეში ჩავედი. მიყვარს ეს სოფელი. სხვა ვერ გაიგებს ამ სიყვარულს. ჩემი ახნის უნარი კი ამგვარ საკითხებში მოიკოჭლებს, ამიტომ დარჩეს ყველაფერი ისე, როგორც არის. მოკლედ, სიცხიანი ჩამოვედი. იმუნიტეტმა ამჯერადაც მიმუხთლა. მაინც რა უბედურებაა სუნთქვის გაძნელება, ცხელება, გმინვა და ოხვრა. აი კომფორტის საზღვრებიდან რომ გამოგიყვანს და ბრძოლაში მიწასთან გაგასწორებს, ისეთი ვირუსი მჭირდა. საშინელია გაზაფხულის დღეები. სულ რაღაცის მოლოდინში ხარ. სიყვარული, თბილი დღეები, წვიმები, ვნებათა ღელვა (რამდენადაც ეს შესაძლებელია), ყველანაირი აურზაური. ხმაურია. სენტიმენტალური არ ვარ, (უფრო აზროვნებითი სფეროს, მომცრო ზომის, ერთი შეხედვით ადვილად დასაძლევი და უმწეო ქალი ვარ), მაგრამ ხომ არის გაზაფხულის სადიზმით გაჟღენთილი, თავდასხმისთვის სამხედრო მზადყოფნაში მყოფი დღეები, როცა ცა ყოველგვარი ახსნა-განმარტების გარეშე იღრუბლება და უბრალოდ თვალები გინდა დახუჭო. არა, ძილს ...